Aro berri bati ekin dio Elbereth heavy metal talde euskaldunak. Izan ere, Iker Otegik taldea uzteko erabakia hartu baitzuen joan den urtarrilean eta, hala ere, Elbereth taldeak irmo eta indartsu aurrera egiteko hautua hartu du. Dagoeneko kantu berriak konposatzen eta lantzen ari dira. Helburua, urte amaieran laugarren lana argitaratzea da.


Ohar baten bidez, legazpiarrek beren egoera azaldu dute: "Pixkanaka-pixkanaka urteak aurrera doaz, 2010ean Xabier Urkiak taldea uztea erabaki zuenean bitan pentsatu gabe Iker Otegi sartu zen bere ordez. Agian taldeak izan dituen urterik mugituenak izan dira, disko bat, kontzertuak han eta hemen; Euskal Herrian, Espainian eta Frantzia aldean ibili gara. Aurrera begira, Ikerrek Elbereth-en ez jarraitzea erabaki du, bere erabakia errespetatu besterik ezin dugu egin".

• Bestalde, Elbereth-ek kantu berria (sendoa eta indartsua) estreinatu du: Azken bidaia. Abestia AME estudioetan grabatua izan da Axular-en gidaritzapean. Gozatu: