Behin Do it again, please LP-ak musika aparatuan buelta batzuk eman ondoren, eta diskoaren izenburuari erreparatuz gero (Egin berriro, mesedez), onartu beharra daukat galiziarrek bigarrengoz eman dutela kolpea. Eta primerako kolpea gainera, pasa den urte amaieran kaleratutako disko honetan! Taldearen estreinako lana This only happens once R&B, swing eta hastapeneko rock & anroll nahasketa ezin hobea bazen, bigarrengo honek ere mailari eusten dio ezbairik gabe. Horretarako, aurrez egin bezala, diskoa era analogikoan grabatu dute Berlingo Lightning Recorders estudioetan Axel Praefcken aginduetara. Alta, besteak beste, The Loveless Cousins eta the Phantom Keys taldeetako zenbait kidez osatutako seikote honek, 12 abestietan, haizez leundutako erritmo dantzagarriak (Sunny home of love eta You stole my baby) zein erritmo geldoak (Dirty Robber), soul zertzelada biziak (I don