Kontzertuen kartela itxita, disko jartzaileen izenak baino ez dira falta. Eta pintxaldiak eta dantzaldiak oso inportanteak badira ere, zuzenekoen atalak jada aho bete hortz utzi ditu musika beltzaren jarraitzaileak. Izan ere, lau legenda izango baititugu Donostian heldu den urteko martxoaren 14 eta 15ean.
Bai, zahar zaharrak daude, baina azken edizioan Melvin Davisek eta Lazy Lester-ek burutu zituzten kontzertu bikainak gogoratze soilarekin, izan ditzakegun zalantza guztiak ezabatu zaizkigu. Gainera, irabazi asmorik gabeko jaialdia izanik, susmoa dugu artistak ohartzen direla musikarekiko maitasuna baino ez dagoela antolatzaileen asmoen atzean, benetako mirespena haiekiko, eta horrek azkenean giroa kutxatzen du, bi eguneko hau hitzordu guztiz berezia bilakatuz. Baina goazen behingoz aurtengo artistei buruz hitz egitera: 

Baby Washington, New Yorkeko soularen erreginarekin hasiko gara. 1940an jaio zen Hego Karolinan, baina Harlemen hazi. Salmenta zerrendetan hainbatetan sartu zen The Time, That's How Heartaches Are Made edota Only Those In Love abestiei esker. 70eko hamarkdan bere karrerari ekin zion berriz eta egun jardunean segitzen du. Guk Northern Soul ezenaren barruan arrakasta izan zuen Let Love Go By kantua aukeratu dugu:



Aurrekoaren abizen bera dauka, baina Detroitik datorkigu Gino Washington. Bere R&Besa lurretik altsarazten ditu entzuleak, batez ere bere Out of This World entzuten badute. Ric-Tic Records zigiluarekin sinatu zuen lehen artista izan zen. Gino Is a Coward abestia ere aipatu beharra daukagu.



Owen Gray berriz, ez dator Estatu Batuetatik, baizik eta Jamaikatik. Mojo Workin' jaialdiak beti eskaini dio bere lekutxoa rock steady, ska eta early reggae-ri, baina oraingoan ohorezko lekua izango dute soinu hauek oholtza nagusian. 1939an jaio zen Owen Grayk ekarriko ditu Jamaikatik. R&B eta soul jamaikarraren benetako legenda! Island Records-ek atera zuen bere lehen erreferentzia bere Patricia izan zen:



Eta bukatzeko, Billy Boy Arnold dugu. Chicagoko blues legenda. 1935ean jaioa, Donostiara etorriko den artistarik zaharrena dugu Arnold jauna. Vee-Jay Records zigiluarekin kontratua sinatu zuen. I Wish You Would eta I Ain