Apenas hiru egun falta dira aurtengo Hatortxu Rock jaialdia hasteko. "Sarrerak agortuta" kartela eskegita abiatuko da. Kontzertuak larunbat arratsaldeko 4tan hasiko dria eta goizaldeko 6:30etan emanen da festa bukatutzat.

Kartelari dagokionez, nobedade gutxi taldeen izaera eta jarrerari erreparatuta, baina ez dago dudarik indartsua dela (kartelburu bat baino gehiagoko hitzordua da Hatortxu Rock):

Riot Propaganda
Non Servium
Anestesia
Oliba Gorriak
Gatillazo
ETS
Skakeitan
Skatu
Zoo
Soziedad Alkoholika
Los Zopilotes Txirriaos

Beste behin, beteranoen eta gazteen arteko oreka lortu dute antzolatzaileek. Disko jartzaile gisa berriz, DJ Piloto eta DJ Jotatxo ariko dira.

Betalde, egun berezia izango da Oliba Gorriak taldearentzako. Izan ere, azken kontzertua emango baitute Markina-Xemeingo lagunek. Hain zuzen ere, eta hau azpimarratu beharra dago, beren ibilbideko bi disko onenak aterata esango diete adio beren zaletuei.

• Informazio praktikoa: http://www.hatortxurock.eus/info-praktikoa/

• Taldeak: http://www.hatortxurock.eus/taldeak/