Zarauzko talde bortitzaren lehen kontzertua larunbat honetan
Matxuraren afixa.
Mikel Kazalis, Fer Apoa, Aitor Abio eta Txarly Diezek osatzen duten taldea Putzuzuloko oholtzaren gainean estreinatuko da hilaren 25ean. Matxuraren zaplasteko honekin lortutako dirua, Gurekin Jaiko kideen epaiketa gastuak ordaintzeko erabiliko da (ikusi kartela).
2011. urtearen hondarrean argitaratu zuen Matxurak lehen diskoa (Bonberenea ekintzak). Metala, elektronika eta hardcorean oinarri hartzen duten abesti sorta ederra dakar lan honek, eta orain zuzenean nola entzuten den egiaztatu eta gozatu ahalko dute zaleek.
10:30etan hasiko da kontzertua. Dokumental bat ere eskainko da eta emanaldiaren ondoren dj saioa egongo da.