MCD taldearen kantutik hartu dute bildumarako izenburua.
Bilbao, mierda, rock&roll diskoa Vomitopunkrock
izeneko diskoetxe berriak atera du (Valentziako bikote bat da). Hirugarren erreferentzia dute LP hau. Bildumaren soinu
kalitatea ona da. Garage aretoan grabatutako zuzeneko abestiak dira,
mahaitik. Egileek diotenez, aretoari omenaldia egin nahi izan diote bilduma honekin.
Bilduman agertzen diren 17 kantuak 80ko hamarkadaren erdi aldera grabatu ziren zuzenean Bilboko El Garage aretoan. Esan bezala, kalitatea nahiko onargarria dute eta diskoa koadernotxo batez lagunduta dator.
Gotzon Hermosilla kazetariari galdetu diogu eta hauxe kontatu digu: "Antza denez, Garageko soinua eramaten zuen tipoak, Rafabillyk (Bilboko
historiko bat) kontzertu guztiak grabatzen zituen. Abestirik onenak
aukeratu, eta zinta bat pasatu zion Decibelioseko Maneli duela urte
pila. Orain, zinta hori agertu da, eta hortik egin dute diskoa. Badirudi
kantu guztiak ez dituztela sartu eta badagoela aukera beste bolumen bat
ateratzeko".