Mutrikukoen debuta masailean zaplastako bat bezalakoa da, ia tregoarik gabekoa. Nahiz eta maketatik diskora egin duten jauzia nabarmentzekoa den, talde honek hasieratik gauzak argi zeuzkala dirudi. Partaide batzuen esperientzia kontuan hartuta ere, benetan harrigarria da hainbat abestitan lortu duten sofistikazio puntua. Metal gogorrenaren erakusleiho aparta dugun lan hau, aldiz, bi zatitan banatuta dago era nahiko nabarian. Lehen bost kantuak metal zaleen burmuinak zulatzeko eginak dauden arren, era nahiko, nola esan, automatikoan entzun daitezkeela iruditzen zait. Metalaren manual guztietan azterketa gaindituko lukete Bizi edo Kareak erre ez duena abestiek. Baita hurrengo hirurek ere; baina ez dute heavy eszena iraultzen. Dena den, Lehertu eta Armen txukunetan lehen traza harrigarriak topatu ditzakegu bai gitarra zein erritmo aldaketa batzuetan. Diskoari izena ematen diona, Gudaberria, beste zartada handi bat da, baina CDaren bigarren zatian azaleratzen da Kraussk-en nortasuna, baita bereizgarri guztiak ere. Hala ere Gudaberria abestia bigarren zatian sartzeko modukoa ere bada, bira-biraka dabiltzan gitarra eta bateriei erreparatzen badiegu.

Talaixa instrumentalak