1991n sortu eta hamarkada horretan zehar sona handia lortu zuen Kashbad taldea abesti berriak egiten ari da berriz. Hala adierazi du Errenteriako taldeak bere facebook-eko profilean. Justua da onartzea lehendabizi eitb.com-en irakurri dugula. Segituan berria egiaztatzera jo dugu. Eta halaxe da.
Kashbad-ek 2007an eman zuen bere azken kontzertua, nahiz eta orduan, bakarrik hiru emanaldi emateko elkartu ziren, taldeak plazetatik kanpo urte dezente zeramatzalako. Izan ere, 2001. urtean desegin zen taldea.
Sorkun ahotsetan zuen taldeak hiru disko grabatu zituen, guztiak ere Esan Ozenki zigiluaren eskutik: Kashbad, Distantzia eta Hesiak.