Akaso ezinbestekoa zen Sorkun inoiz bakarkako ibilbideari ekitea. Akaso horrela behar zuen, Kashbaden bere ahots-erregistroa betirako utzi ondotik, hainbat talderekin kontaezinezko kolaborazioak sinatu ondotik. Baina inork gutxik uste zuen disko rockeroa eginen zuela, indartsua eta gogor xamarra, zeinean elektronikari ere bide eta leku ematen zaion kantuak beztitzeko... Izan ere, bakarlari gisa aritzea lasaitasunari lotzen zaio beti gure buru-barrenetan, ahaztuta ez duela zertan horrela izan behar. Bada, Sorkunek bere ahotsaren iturria berriz ireki eta bere berea den proiektua erditu du: Onna (emakumea japonieraz) izenburuko diskoa. Ez da ordea, guztiz bakarrik ibili enpresa berri honetan...