Irudietan, 2012ko abuztuaren 14an Gernikan eskainitako kontzertu bizia dastatu ahal izango dugu eta baita aparteko elkarrizketak ere. Audioan berriz, Gernikako kontzertuaz gain, beste zuzeneko grabaketa batzuk ere azaltzen dira.
CDak 13 kantu biltzen ditu eta DVDak, berriz, 22 abesti + Hesian biluzten dokumentala + CDan agertzen ez diren DVDko abestiak mp3 formatuan.

Nafarroako Sakanako harrobiko taldea da Hesian. Eszenatokietan urte batzuk daramatzan arren, lehen uneetan bezala jarraitzen du bere publikoarekin konektatzen. Lehen bultzadako taldea da, zuzena eta aktiboa. Bere errepertorioan punk rocka haizezko musika tresnez jantzia eta melodia andana nahasten dira, gizon eta emakumezko ahotsak tartekatzen direlarik.