Zizpa gaztetxearen irekiera ofizala izanen da larunbat honetan, urtarrilaren 23an, goizeko 11etan, 7quai de Lesseps-en.
Inaugurazio ekitaldia eginen da eta aperitifa goxo bat dastatzeko aukera paregabea izanen dute bertaratutakoek. "Gure elkartea 2008. urtean sortu genuen, Baionako gazteentzat aktibitate alternatiboak proposatzeko helburuarekin. Baionako gazteak Baionako bizian aktore izateko tresna egokia iruditzen zaigu Baionako Gazte Asanblada eta beraz Baionako gaztetxea ere", azaldu dute gaztetxeko kideek. Eta gaineratu: "Gure elkartea beraz, gazte asanblada batez osatua da eta astean behin elkartzen gara proiektu ezberdinak sortu, garatu eta bultzatzeko asmoz. Gazte ezberdin ugarirekin lan egin nahi dugu, dibertsitateak proiektu ederrenak sortzen dituelakoan".

Beraz, aperitifa, poteoa, bazkaria eta kontzertua izanen dira larunbat honetan. Oharra: Kontzerturako sarrera guztiak agortu dira.