entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
Entzun! 2015-10-26

Irun meets New Orleans

Fermin Muguruzak New Orleanseko hainbat musikarirekin grabatu du. Fermin Muguruzak New Orleanseko hainbat musikarirekin grabatu du.
Lotura erlazionatuak
Katrina urakanaren txikizotik hamar urte pasa direnean, Fermin Muguruza New Orleans-en izan da bertako musikariekin bere ibilbideko hamar kantu grabatzen. Halaber, hondamendiaren inguruko dokumental bat landu du. Abenduren 3an ikusiko du argia.


Hamar urte igaro dira eta ura itsasora bueltatu zen aspaldi. Baina zauri mingarriak utzi zituen Katrina urakanak New Orleans hirian. Bada, urteurrena baliatu du Fermin Muguruzak bere ibilbideko hamar kantu bertan grabatzeko eta dokumental bat egiteko. Modu batean edo bestean, honamendiaren protagonista izan diren hainbat pertsonek (musikariak, ingeniariak...) beren esperientzia kontatzen dute bertan: suntsiketa, berreraikuntza komunitarioa, etorkizuneko erronkak edota musikaren papera, bai nortasun ikur gisa, bai  bizitza eta heriotza ospatzeko bitarteko bezala.

Nola? izango da ikus-entzunezko lan honen izenburua. New Orleans-Luisiana hiriburuaren laburdura da NOLA. Euskaraz eta galdera-ikurrarekin jarriz gero: Nola?)

  • Nola? abenduaren 3an kalean izango da CD + DVD (dokumentala) formatuetan.
bidali zure berria Bidali zure berria
Nola? gehiago

Aurten, Nola? izenburupeko egitasmo gehiago egin dira Euskal Herrian. Esaterako, Iruean Nola? (Iruea After Barcina) festa ospatu zuten joan den maiataren 28tik 31ra eta Iruea Nola Brass Band izeneko banda ere sortu zuten okasiorako. "Orleans Berrian New Orleans After Katrina ospatu zuten; guk geure Iruea After Barcina izango dugu. Hemen, han bezala, urakanak atzera egitean jendeak aurrera bultza egiten du", zioten egitasmo honen antolatzaileek. Eta gerora ere, gauza gehiago antolatu dituzte Nola? markapean, beti ere zenbait aldarrikapenekin lotuta.

Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.