No More Tour 2013.

Lotura erlazionatuak

• http://www.muguruzafm.com/

Radar FM 1999.2013 du izenburua disko bildumak. Fermin Muguruzaren bakarkako ibilbilbidea jasotzen da CD honetan (1999tik 2013 arte). 18 kantu dira guztira, horietatik bi orain arte argitaragabeak: Balazalak Remix (Parisko Supa Hataz kolektiboak eginikoa, Bermudaseko MC Troy raperoarekin batera) eta Zuloak Riot, Zuloak taldearen bertsioa. Bertsio honen grabaketaren bideoklipa martxoaren 8an zabalduko dute.

Eta, bestetik, arestian aipatu bezala, datorren martxoaren 21etik abuztuaren 31 arte munduko biran murgilduko dira musikari irundarra eta laguntzen dion Kontrakantxa banda (begiratu azpian biraren lehen zatiaren kontzertu zerrenda!). Lehen kontzertua, Kurdistanen izango da eta herrialde kurduarekin beren NEWROZ ospatuko dute.

KONTRAKANTXA 9 musikariz osatutako taldea izango da: Mikel Txopeitia,  bateria-jotzailea; "izuaren metalak", Fino saxoarekin, Jontron tronboiarekin eta Lonbi tronpetarekin; Zigor DZ; Oskar Benas gitarra jotzailea; Xabi Solano trikitilaria, urtebetez Esne Beltza bere taldea utziko duena abentura berri honetan parte hartzeko; Victor Navarrete baxu-jotzaile kubatarra eta Fermin Muguruza bera.