entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Atzera Begira

bidali zure berria Bidali zure artikuluak
Myriam Garzia 2015-09-14

En Tol Sarmiento: uzta berria jai giroan

'Zure mundua' diskoaren birari bukaera emango diote hilaren 19an

ETS. Argazkia: Stuart MacDonald ETS. Argazkia: Stuart MacDonald
Arabar Errioxan aurkituko dugu En Tol Sarmiento (ETS) ska-rock taldea. Hasiera batean punk hirukote bezala sortu bazen ere, tronboia eta tronpeta gehituz ska festazalea egiten hasi ziren 2008an, lehen maketa kaleratu zutenean. Iaz, euren hirugarren diskoa argitaratu zuten, Zure Mundua (Baga-Biga, 2014) Euskal Herrian barrena mugitu dutena. Biraren azken kontzertua baliatuko dugu taldearen nondik-norakoak gertuagotik ezagutzeko.


Iekora herriak (Arabar Errioxa) 300 biztanle baditu ere, En Tol Sarmiento (ETS) musika taldeak dantzan jarri ditu bertako herritar gehienak. ETSkoek bertan dute entsegu lokala eta inguru honetako musika talde festazalea eta ezaguna bilakatu da azken urteotan. Talde honen arrakasta Arabar Errioxa osora hedatu da, baita Nafarroara eta Gipuzkoara ere, eta kritikak aipagai izan ditu jai giroan murgiltzen diren ETS-ren zuzenekoak.
Ruben Campinun 'Campi' dugu taldeko baxu-jolea. Adierazi digunez, 10 urte hauetan, proiektua martxan jarri genuenetik, asko ikasi dugu abestien konposaketari, zuzenekoei, entseguei edota gure musikaren hedapenari dagokionez. Motibazioa eta ilusioa ez dira falta izan progresiboki hazi den bide honetan. Horri esker, mundu honetan jarraitzeko kemena izan dugu.
Jai giroan murgiltzen dira ETS-ren zuzenekoak. Hala ere, abestien hitzetan ez da salaketa eta aldarrikapen kutsurik falta. Gure zuzenekoek gaua eta festa dute oinarri, ska musikak hala aginduta. Bestetik, egia da kritika soziala nagusi dela gure hitzetan, gure ustez beharrezkoa, aldaketarako mezu argia eta balizko hobekuntza baten alde, dio Campik.

Gure zuzenekoek gaua eta festa dute oinarri, ska musikak hala aginduta. Bestetik, egia da kritika soziala nagusi dela gure hitzetan, gure ustez beharrezkoa, aldaketarako mezu argia eta balizko hobekuntza baten alde

Aurreko udaberrian argitaratu zuten Zure Mundua diskoak ska-rock doinuak, festa giroa eta mezu argiak ditu. Usurbileko Higain estudioan grabatu eta nahastu zuten, Haritz Harreguy soinu teknikariaren eskutik, Iigo Etxezarretak, ETSko abeslariak eta gitarra joleak, ekoizle bezala parte hartu bazuen ere. Disko hau erronka berri bat izan da guretzat, gure jarraitzaileak hala eskatuta. ETS gehiago eskatu ziguten, eta proiektu berriari ekin genion. Abesti intentsoak, festazaleak, aldarrikapen kutsuarekin, sentimentalak, iradokitzaileak... Diskoaren aurkezpen bira oso ondo doa eta erakutsi digu jendeak dantza egiten eta energia positiboa ateratzen gozatzen duela. Zuzenekoetan, gure azken hiru diskoen abestiak tartekatzen ditugu, azaldu du Rubenek.
Euskaraz eta gazteleraz abesten dute ETSkoek, agian Estatu mailan hedapena izateko aitzakiaz? ETS Euskal Herriko hegoaldean sortutako musika taldea da, eta euskararen erabileraren aldekoak bagara ere, gutariko gehienak ez gara euskaldunak. Horregatik abesten dugu hizkuntza bietan. Beraz, ez da Estatutik mugitzeko aitzakia. Oso pozik gaude Araban, Bizkaian, Gipuzkoan eta Nafarroan izandako arrakastarekin, azaldu du Campik.
Disko berrian hainbat kolaborazio jaso dituzte, tartean, Edu Sanchez tekla jolea, Ariadna Villate biolin jolea eta Pablo Ajamil biolontxelo jolearenak. Aurreko diskoan ez bezala, erabaki genuen disko berri honetan ahots ezagunak ez sartzea. Aldiz, teklatua, biolina edota biolontxeloa bezalako musika tresnak erabili ditugu, proiektuari sendotasuna eta kalitatea emateko asmoz, dio baxu joleak.

* Oharra: Artikulu hau Entzun! liburuaren  64. zenbakian argitaratu zen lehen aldiz.
bidali zure artikulua Bidali zure artikulua
Biraren azken kontzertua

E.T.S. taldeak Zure Mundua birarekin 50 kontzertutik gora eskaini ondoren, bira arrakastatsu honi bukaera emango dio datorren irailak 19an, Laudioko Lateorro auzoan, 22:30etatik aurrera.

Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.