Pauso bat aurrera eman du Joseba Baleztena musikariak. Eta ez nolanahikoa. 2011n Josebak 'One man band' formatuan abiatu zuen bakarkako bidea Joseba B. Lenoir alter-egoa sortuz SextySexers taldearen etenaldi batean. Felix Buff bateria jolearekin elkartu zen ondoren duo gisa jotzeko, eta orain talde osoarekin arituko da, Joseba B. Lenoir Gang izenpean.

Joseba Baleztenarekin (gitarrak eta ahots nagusia) batera, Willis Drummond-eko Felix Buff (bateria) eta Xan Bidegain (baxua eta perkusioa), eta Napoka Iria taldeko Miren Narbaiza (gitarra elektriko eta akustikoak, ahotsak eta perkusioa) eta Ander Mujika (gitarra eta ahotsak) ariko dira. Berme handiko taldea hortaz. Luxua.
Josebak bakarka sorturiko kantuak handituko dira talde formatuan. Kantuek beste jantzi batzuk izanen dituzte, beste nortasun bat irabaziko dute.

AURKEZPEN DATAK

Martxoak 27, BILBO | Fuzz In The City Fest
Martxoak 28, MARKINA | Uhagon Kulturgunea
Apirilak 2, BERA | Kataku Ostatua
Apirilak 4, BEASAIN | Melmak Gaztetxea
Apirilak 10, O