In-Komunikazioa diskotik hasita, Negu Gorriak eta Kortaturen abestiak reggae doinuez apainduta entzun ahal izan ziren. Soinuaren kalitatea ezin hobea izan bazen ere, musikarien kalitatea azpimarratu beharko genuke. Ikuskizunari ahotsek laguntza aparta eskaini zioten, baina dioguna, ezin zaie musikariei meriturik kendu. Ferminek momenturo dantza eta saltoak eskaini zituen, kontzertuaren bukaera ere zaratatsua bihurtuz: Kortaturen Kolpez kolpe abestia jo zuten, publikoaren eztarrien laguntza izan zuena. Ezin ahaztu ere kontzertuaren eskaintza Tijuana in Blue-ko kantaria izan zen Eskrotorentzat izan zela, eta Espainiar estatua burutzen ari den euskal musikaren aurkako erasoen barne sartu zuen Berriozarko sarreran jasan behar izan zuten Guardia Zibilaren kontrol zorrotza. Aurrera Komunikazioa!