entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2009-04-03

“CHECKPOINT ROCK” FILMA ETA SOINU BANDAREN ESTREINALDIA

Pelikularen afixa. Pelikularen afixa.
Lotura erlazionatuak
Fermin Muguruza eta Javier Corcuerak zuzenduriko Checkpoint Rock-Canciones desde Palestina, Palestinako musikaren inguruko film dokumentalaren estreinaldiarekin batera (apirilaren 30ean aurkeztuko da Donostian), haren soinu banda jasotzen duen diskoa argitaratuko dute.

PELIKULAREN ESTREINALDIA:
- Apirilaren 30ean Giza eskubideen VII. Zinemaldiaren amaieran
- Maiatzaren 2an Documenta Madrid, zinema dokumentalaren inguruko Festibalean Madrileko Matadero Kulturgunean
- Maiatzaren 8an Saharako errefuxiatuen guneetan, VI Fisahara, Saharan burutzen den nazioarteko zinemaldiaren egitarauaren barruan.


KANTUAK ETA MUSIKARIAK
Soinu bandak 18 kantu ditu eta bertan azaltzen diren taldeak hauek dira: DAM, Palestinako lehenengo rap taldea arabieraz kantatzen, Amal Murkus, musika tradizionaleko emakumezko ahotsarik ezagunenetakoa, Safaa Arapiyat, emakumea ere bai baina hip hop-a jorratzen, Khalas rock banda bakarrenetakoa, musika tradizionala lantzen duen Walla’at taldea, errima inprobisatzailea, hemengo bertsolarien moduan dugun Muthana Shaban, Nabluseko unibertsitateko oud, lauta arabiarraren irakaslea den Habib Al-Deek, Gazako Palestinian Rapperz rap taldeko MC den Ayman, Belengo errefuxiatuen gunetik ahots melodikoa rai erritmoekin nahasten dituen Shadi Al-Assi abeslaria, Palestinako musikaren aitabitxia den musika tradizionaleko Sabreen, lauta hirukote ezaguna Le Trio Joubran eta kantu kolektibo bat non musikari guztiek parte hartzen duten, musika Manu Chaok konposatu duelarik bere erritmo eta gitarra ezagunekin.

Formatua: CD euskarriarekin batera, 52ko liburuxka bat joango da, non jatorrizko arabierazko hitzak eta bere itzulpenak beste hiru hizkuntzetan (euskaraz, gaztelaniaz eta ingeleraz) aurkitu ahal izango diren. Aldi berean, talde bakoitzaren argazkiak eta pelikularen errodajean egindako erretratuak biltzen dira. CDa eta liburuxka kartoizko kutxa batean joango dira bilduta.


Argitaratze data: Apirilak 30, filmaren estreinaldiarekin batera. 16 eurotan salduko da.
bidali zure berria Bidali zure berria
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.