Hiru Trukuk hirugarren diskoa karrikaratzeko zereginari eutsi dio. Nafarroako Kantu Zaharrak izenburuak argiki dio zer aurkitzen den bertan. Izan ere, mendebaldeko kantu zaharrekin aurreko bi diskoak egin eta hauek arrotzen zireneko emanaldi batean aurkitu omen zituzten indar eta adoreak hirugarrenari ekiteko, nahikoa tupustean. Hala, guk telefonoaren haria taldeko kidea den Ruper Ordorikaren etxeraino luzatu dugu itzulian igor ditzan galdera orori legez hauei ere zor zaien erantzuna.