Kannon
Galizia aldean ere bada metal berriarekiko zaletasuna. Estilo hau jorratzerakoan aitzindari nagusia dugu Kannon taldea. Vigoko boskoteak, pausuz pausu eta zentzudun beti ere, hirugarren lana kaleratu zuen iragan urtean. Denuevonunca eta Imagina diskoen ostean, Intro izena jarri zioten lan berriari. Azaroaren 11n Noboo aretoan (Tutera) eta 12an X-Treme aretoan (Santurtzi) aurkeztuko dute berau. Taldearen proiektu berrien inguruan gehiago jakiteko, hona hemen beraiekin izandako solasaldia.
Sartu. Lanez betetako 2004. urtea joana da. Tartean disko berri bat eta kontzertu bira luze bat, egun martxan dirauena. Zer moduz doakizue?
Orain artekoa ikusita, oso baikor eta pozik gaudela esan genezake. Bira primeran doa eta kontzertuetara etortzen den jende kopurua geroz eta handiagoa. Beraz, ezin gara kexatu.
Diskoari dagokionean, hirugarrena jada, berriz ere Pablo Iglesias ekoizlearekin lan egin duzue. Gustura zaudete berarekin