Donostiarren disko berria, Gu gara, Durangoko Azokaren bezperetan datorkigu, bistan da. CD/DVD euskarrian eta formatu berezian bilduta, Ze Esatek!-ek, 2012ko abuztuaren 13an Donostiako portuan, Piraten festarako prestatu eta eskaini zuen ikuskizunaren grabazioa da. "Txinpartaz eta berotasunez beteriko unea izan zen ospakizun hark biltzea eta argitaratzea merezi zuen", diote Oihuka diskoetxetik. Taldearen garai guztietako kantak eta zenbait berri ez ezik, etorkizunez beteriko begirada bat ere aurkituko dugu. Taldearen zuzeneko ekitaldien isla da diskoa, non beren eskarmentua erakusten duten, makina olioztatu baten gisara.

HURRENGO KONTZERTUAK:
2012-12-05 - Gasteiz (Araba), Jimmy Jazz aretoa, 22:00.
2012-12-15 - Hendaia (Lapurdi), Olentzero Rock, 22:00.