Musikherriak adio esan dio zazpi urteko ibilbide oparoari.
Zigiluaren baitan sortutako inertziak eta kolektiboaren erritmo eta jarraikortasun falta izan dira, besteak beste, 2005ean abiatu zen proiektuari agurra emateko arrazoietako batzuk.
Musikherriako kideek zabaldu duten oharrean aski ongi argitzen digute erabaki honen nondik norakoak. Azpimarratuko dugu, lehenik eta behin, MusikHerriatik
74 talde zein bakarlari pasa direla eta
82 lan kaleratu dituztela zazpi urte hauetan modu fisikoan (CD, DVD, liburu).
MUSIKHERRIAREN OHARRA2005eko martxoaren 25-27an erein genuen MusikHerria herri diskoetxea
GazteMugi topaketetan eta, horren ostean, maiatzaren 14an Arrasaten,
maiatzaren 28an Gasteizen, uztailaren 2an Bilbon eta irailaren 17an Donibane
Lohitzunen ureztatutako proiektua urriaren 22an loratu zen. 2006ko urtarrilaren
3an, Burlatan, martxoaren 4rako jaiotza ospatzeko jaialdi erraldoia egitea
erabaki genuen. Begi-bistan, Euskal Herri osoko proiektua, parte-hartzailea eta
autogestionatua izango zen musika proiektua.
Musika gustuko genuen gazteak batu ginen eta