Ladislao taldearen lehen diskoaren azala.
Brigada Criminal, Captain Nemo edota Heriotza taldeetan aritutako hainbat kidez osatutako bandak disko kementsuarekin debutatu du: Pantailak.
Ladislao taldearen estreinako lanak hamabi abesti ditu. Baina kontuz, ez da disko luze horietako bat: zure joagailuan jarri orduko, kantuak bata bestearen atzetik ziztu bizian igaroko dira. Kantu azkar, motz eta zuzenak dira. Ideia egiteko, Brigada Criminaletik baino, Captain Nemotik gertuago dago Ladislaoren soinua, izan ere, lantzen duten punk rocka hardcorearen moldeak erakusten baititu garbiki.
Hitzak berriz, kritikoak dira. Besteak beste, atez ateko zabor bilketaren afera, erijioa, gizarte Orwellianoa, gizakien askatasuna... dituzte hizpide
Lazkao/Eskoriatza aldeko taldea da Ladislao. Musikariak ondoko hauek dira:
Xabier Lekuona (ahotsa),
Josu Errasti (gitarrak eta ahotsa),
Iker Artza (baxua),
Joseba Artza (bateria).
Pantailak diskoa Bonberenea estudioan grabatu zuten 2014 martxoan,
Karlos Osinagaren gidaritzapean. Orain, zuzenean aurkezten ari dira eta CDan ez ezik, binilo formatuan argitaratuko dute aurki (dagoeneko egin ez badute).
KANTU ZERRENDA01.
Atez ate02.
Infernura zoaz03.
Pantailak04.
Itxoin05.
Lelozepam06.
Eukaristian08.
Berriro hor (Well)09.
Libre?10.
Huang11.
Ez du merezi12.
Hemen eta orainHURRENGO KONTZERTUAK2014/06/19 Gaztetxea - Arrasate (Gipuzkoa) + Beri Txarrak
2014/06/21 La Kofi-teria - Ziburu (Lapurdi)
BERRIRO HOR (WELL)
Amets gaizto besterik ez da
ez larritu orain,
ez da ezer pasa, ez dugu ezer ikusi.
Konspiranoien kontu ilunak
arren ez itzazu sinetsi.
Kendu ideia horiek zure burutik.
Nor da Orwell hori?
Barregarria ez den ume joko abt dirudi,
ziber-kontrola, langileen getoak, sare dijital, anai haundi.
Berriro hor zaude.
Hormaren kontra burua kolpatzen,
sistemaren aurka borrokan
behin eta berriz,
askatasun oihuen aluzinazioak,
etzazu hainbeste irakurri.
Hor, berriro hor,
hormaren aurka.
Berriro hor hor hor Well.