Albo batera utziko dugu disko hirukoitz honen formatu deserosoa eta albo batera utziko ditugu lanaren osotasunean, betegarri lanak egiten duten hiruzpalau pieza instrumentalak: Disko hau maisulan puta bat da. Handiustea? Agian bai, baina hala dira The Arcade Firen diskoak... eta? "Vivalaguerra"k gaztelaniazko rockari unibertso bat ireki bazion, "Adelante, Bonaparte" honen aportazioa ere ez da nolanahikoa, izan ere, oso fin landutako abestiak eskaintzen ditu eta elkarren artean zentzua gordetzen dute, gainera. Aurrekoa konplexuak albo batera uzteko lana bazen, oraingoarekin kitarrak albo batera uzteko momentua heldu da, sentsazio berak beste mota bateko osotasun batekin lortuz: perkusioak duen protagonismoa inoiz baino handiagoa da. Honek ez du atzera pausurik...