Berriak
2019-12-23
Penguin Cafe Arriaga Antzokian
Arthur Jeffes eta bere taldeak Handfuls of Night album berria aurkeztuko dute urtarrilaren 19ko kontzertuan. Suede, Gorillaz edota Razorlight bandetan aritutako musikari bikainez osatutako orkestra klasikotik popera, jazzetik rock & rollera doa.
2019-12-20
Korrontzi Benefic, merosina defizita duten umeen alde
Musika taldea ez ezik 200 dantzari baino gehiago taularatuko dira abenduaren 23an Bilboko Campos antzokian. Elkartasunezko ikuskizun honekin bildutako dirua ImpulsaT GKEra bideratuko dute.
2019-12-20
Badator Ttan Ttakun Donostiako irrati euskaldun librearen urteroko festa!
Urtarrilaren 11n, Egiako kulturetxean, besteak beste Señor No, Dogo, Bullet Proof Lovers, Unidad Alavesa eta Koban taldeek joko dute. Gau luzea iragarri dute...
2019-12-19
The Hellacopters, Royal Republic eta Witchcraft Bay of Biscay 2020rako lehen konfirmazioak
Hiru talde suediarrek emango diote hasiera uztailaren 24tik 26ra bitarte luzatuko den jaialdiari. Musikaz ez ezik, gastronomiaz gozatzeko aukera ere eskaintzen duen hitzordua da. Hiru egunetarako sarrerak salgai jarri dituzte jada.
2019-12-13
Amak: lau trikiti/pandero eta lau ahots
Alaitz Telletxea (Alaitz eta Maider), Maixa Lizarribar (Maixa ta Ixiar), Amaia Oreja (M-n Ezten) eta Kristina Solano (M-n Ezten) egitasmo berri baten inguruan txirikordatu dira, folk musikaren ertzak betiko moldeetatik ateratzeko.
2019-12-13
Tim Edey XXVII. Musiketan egitarauan
Ingalaterrako musikari eta abeslaria abenduaren 22an ariko da Bilboko BBK Aretoan. Programazio berak beste bederatzi kontzertu iragarri ditu 2020ko ekainera bitarte, tartean, Elliot Murphy & Olivier Durand, edota Elina Duni & Rob Luft.
2019-12-12
Kultur proiektuak babesteko BATERA diru-laguntzaren bigarren deialdia abian
Oihaneder Euskararen Etxeak martxan jarri du Gasteizko gazteek sorkuntza egitasmoak elkarlanean garatzeko deialdia. Hiru proposamen irabazleetako bakoitzak 2.000€ jasoko ditu. Lanak aurkezteko epea zabalik da urtarrilaren 7ra bitarte.
2019-12-11
Cécile McLorin, Abdullah Ibrahim eta Kenny Barron hurrengo Jazzaldirako konfirmazioen artean
2020ko uztailaren 22tik 26ra bitarte izango den 55. Heineken Jazzaldiak hainbat izen potolo iragarri ditu dagoeneko. Jazz ortodoxoa, eta proposamen heterogeneoagoak. Sarrerak laster jarriko dituzte salgai.
2019-12-09
Assata: dantzatu, madarikatuok!
Kalean eta Sarean eskuragarri dago Arrasateko taldearen estreinako lana. Funk, pop, soul, elektronika nahiz punka nahastuz, doinu dantzagarrien aldarria egin dute zazpi abestitan.
2019-12-09
Strad boskotea Bilboko Campos antzokian, abenduaren 13an
Jorge Guillen biolin jotzailea buru duen musikari taldeak klasikoa, rocka, flamenkoa, jazza eta elektronika nahasten dituen ikuskizuna dakar. 1700eko biolin klasiko bat eta beste elektriko bat txandakatzen ditu.
2019-12-05
Parabellum: eromenak darrai
Hogeita hamabost urte eszenan aritu ostean, taldeak zuzeneko lehenengo DVD/CDa kaleratuko dute datorren abenduaren 13an. 2018an Madrilen eta Bilbon emandako kontzertu banatan grabatutako 24 abestik osatzen dute.
2019-12-04
Il cercatore di perle, Inoren Ero Ni
Diskoz disko, 16 urtez, berezko bidea egin dute Okene, Borxa, Guanche eta Marianok: Inoren Ero Ni. Eta Il cercatore di perle lanak irudikatzen du ibilbide bihurri eta koherente horren urrats berria.
2019-12-03
Biba! da Xabi Bandini eta taldekideen proposamen berria
90eko hamarkadako rock soinuei keinu eginez, sintetizadorez eta erritmo indartsuz beteriko abestiak dakartzate Bandinik, Alberto Isabak eta Lur Larrazak. Ekoizpenerako Pello Reparazengana jo dute.
2019-12-02
Emazte, euskal emakumeen omenezko diskoa, aurkeztuko du Anne Etchegoyenek Bilbon
Abenduaren 10ean Arriagan ariko da. Euskal kanta herrikoiak abestuko ditu, berrikusita, emakume baten ahotsean jarrita lehen gizonek kantatzen zituzten piezak. Indarkeria matxista salatzeko abesti bat ere bada tartean, Itziar Ituñoren kolaborazioarekin.
2019-11-29
La Pegatina kataluniarrek lan berria iragarri dute 2020rako
Urtea hastearekin batera atsedena hartuko omen dute, baina datorren urte amaierarako disko berria prest izango ei dute eta Bilbon geldialdia egingo dutela konfirmatu dute: azaroaren 7an.
Orrialde honetara
Izena eman gure buletinean:
goraino joan
Artaxona, 22-1.go
31.015 Iruñea (Nafarroa)
Tel. 948 12 19 76
entzun@entzun.com
twitter: @entzuner
egitasmo bat
Atari honetako testuak
Creative Commons-en
baimen baten mende daude.
