Amak du izena euskal musika eszenako lau emakume indartsu batu dituen proiektu berriak. Amak ama dira, eta lau. Lau trikiti edo lau pandero, eta lau ahots. Euren izenen lehen letrekin osatu dute taldearen izena bera.

Alaitz Telletxea (Alaitz eta Maider), Maixa Lizarribar (Maixa ta Ixiar), Amaia Oreja (M-n Ezten) eta Kristina Solano (M-n Ezten) Ikuskizun berritzailea proposatzera datoz. Trikiti, pandero nahiz ahotsetan hamaika bariazio txertatuta, konbinazio berriak bilatu dituzte. Iparraldeko kantaerari, hortaz, kolore anitzeko musika gehituko diote 50 minutuko errepertorioan. Euskal Herriko folk musika eta Euskal Herria bera irudikatzeko manera ezohikoa.

Horretarako, berezko kantak konposatu dituzte, baitan euren jatorrizko taldeetako abestiak berrikusi ere; pot-pourriak, zenbait abesti klasikoren moldaketak… jai giroa ekarri nahi dute, baina agertokiari erreparatuko diona.