Gasteizko bikoteak indar erakustaldia egin du Euskal Herriak rockeatzen du kantuan, hitzetan zein musikan. Kokoteraino daude, "euskaraz rockeatzerik ez dagoela" eta antzeko perlak entzuteaz. Horregatik kantu hau. Aurreiritzi tentelei erantzun erabatekoa, indartsua. Autoafirmazioatik ere badu.
Musikari dagokionez, bonba sonikoa da Euskal Herriak rockeatzen du, killer rockin' pitsutsua eta aldi berean bizia eta errabiaduna. Itzela!

Esan bezala, Entzun! liburu berriarekin batera (64. zbk) argitaratzen dugun CDan aurkituko duzue kantu hau. Bilduma honetarako espresuki grabatu du Tutan Come On taldeak.