Urte zaila pasa dugun honetan, inportantea izan da guretzako Prentsa Idatziaren Argia Saria jasotzea. "Euskaraz egiten diren lan bikainei ikusgarritasuna eta prestigioa" ematen laguntzea da Argia sarien helburua, "herritarrei euskarazko kazetaritza lan erreferentzialak ezagutaraztea".

Sari banaketa joan den ostiralean izan zen Usurbilen. Mikel Garzia kazetariak irakurri zuen Entzun! urtekaria saritzearen arrazoia: "Urtean behin argitaratzen da eta zenbaki bakarrarekin bere esparruan erreferentziala izatea lortu du (...)  Luxuzko prentsa baita, Munduan egiten diren antzeko ekoizpenei batere enbidiarik ez diona. Prentsa musikal euskaldunari bide berria erakusteagatik Argia saria jaso du Entzun! urtekariak".

• Gure eskerrik beroenak:

* Argia
* Entzun! liburuaren harpideak (bereziki zuengatik bizirik gaude), erosleak eta irakurleak. Aupa Entzuners!
* Entzun! urtero egiten duen kolaboratzaile sarea (askotan artikuluak oso berandu entregatzen badituzte ere ;-)
* Iragarleak (bereziki urterik urte zuen sostengua erakutsi diguzuenak) eta Kultura Saila (nahiz eta iazko dirulaguntza asko, asko, asko, murriztu zeniguten).
* Entzun! 1996an sortu eta gaur egun arte bizirik mantendu duten pertsona guztiak; bereziki: Imanol eta Joni Ubeda, Agurtzane Arribillaga, Aritz Usandizaga, Esan Ozenki.




Gainerako saridunak ondoko hauek izan ziren: Ipar Euskal Herriko euskal hedabideak (Internet saria); Gure Esku Dago ekimena (Sustapen ekintza saria); Zebrabidea, Arrosa sareko saioa (Irratia saria); Hamaika Telebistako IDEMtitateak saioa (Ikusentzunezko saria) eta Aiaraldea Komunikazio Leihoa (Merezimenduzko saria).

• 11Telebistak sari banaketetan egon zen. Honatx ekitaldi osoa: