Bortzgarren urtez, Berako ERTZ elkarte artistikoak izen bereko nazioarteko ERTZ jaialdia aurkezten du. Urte guzti hauetan egindako lanari eta irekitako bideari jarraituz, aurten antolatu dugun jaialdiak orain arte egindakoa baieztatu nahi du, etengabe ate berriak irekiz eta belarriak ernatuz. Hala bada, ekainaren lehen asteburuan Beran izanen diren artisten zerrenda anitza eta aberatsa izatea nahi izan dugu, beti ere esperimentazioaren ikuspegitik.