Joan den ekainaren 16an burutzekoa zen kontzertu berezia, atzeratu egin zen, baina hitzordua dagoeneko hemen daukagu: abenduaren 15ean, igandearekin, egingo da, Donostiako Antzoki Zaharrean.
 


EH Sukarrak disko berria argitaratu du, Uhinak, oraintxe Euksal Herri osotik aurkezten ari dena. Baina Victoria Eugeniako hitzordua berezia izango da inondik inora. Taldeak, 20 urteko ibilbidean zortzi disko argitaratu ditu. Punk-rock melodikoa, hardcore zertzelada batzuk eta etxeko markadun baladak dira talde iraunkor honen errepetorioaren muina.

Izaki Gardenak berriz, Jon Basaguren musikariaren proiektu berria da. Iaz Itsasargiak lehen disko laburra (bost kantu) argitaratu zuen, zapore oso ona utzi duena zaleen artean. Uztailaren 20an estudioan sartuko ziren berriz ere. Emaitza, dotorezi handiko disko berria izan da: Amaieratik hasi.
Izakiek amerikar kutsuko musika, pop eta rock doinuak lantzen dituzte, ahotsari garrantzi handia emanez. Kantuen nortasunari behatuta, talentu handiko konposaketak nabarmentzen ditugu, hala nola, interpretatzeko unean, gustu handia ere.