2012ko udazkenean ezagutu genuen Izaki Gardenak taldea, besteak beste, Akatu, Sexty Sexers, Neubat zein Khous taldeetan aritutako lagunek osatua. Aurrez egindako estiloetatik haratago, pop doinuak oinarri zituzten 5 abestiek eman zioten forma Itsasargiak lanari. Talde hasiberria izanagatik, diskoak sona handia hartu zuen, eta kontzertu ugari eskaini dituzte 2013. urte honetan, talde zein bakarlari formatuan, oholtza txiki eta handietan.

Orain, pasa den udan, Donostiako Elkar estudioetan Victor Sanchez teknikariaren gidaritzapean grabatu zuten 10 abesti biltzen dituen Amaieratik hasi lan luzea aurkeztera datoz. Bertan, abesti triste zein alaiak aurkituko ditugu, pop, rock zein country doinuak, itxaropena eta gogoetarako uneak, goxotasuna eta garraztasuna aldi berean. Finean, etorkizuna eskuz heltzeko gogoa, berriz hasteko gogoa.




Dagoeneko hasiak dira disko berria zuzenean aurkezten. Anoetako Gaztetxean, Atarrabiako Kultur Etxean eta Bartzelonako EH Sona jaialdian izan dira, eta atzo bertan, Gasteizko unibertsitate pabilioian izan ziren Cultur Campus egitasmoaren barruan. Hurrengo zitak:
* Azaroaren 8an, Bilboko Pabell