Uhinak izenburupean aurkeztu du EH Sukarrak bere zortzigarren diskoa. Rockzalea da eta, noski, melodikoa. Ez dira falta kantu samurrak eta etxeko marka diren riff-ak eta konposizioak. Berezko duen soinuaren oinarrian, gitarren melodiak dira errege, eta horien gainetik altxatzen dira abestiak.



Diskoak 10 kantu jasotzen ditu. Musikaren egilea Mikel Gorosabel da eta hitzak berriz, Asier Serranok egin ditu. Lan hau Hi-gain estudioetan grabatu zen joan den otsailean Haritz Harreguyren eskutik. Bestalde, Mikel Artiedak jo du baxua eta Heloy Galanek bateria.



KONTZERTUAK
2013-04-27 - Zaratamo (Bizkaia), Arkotxa auzoan, Gazte egunean.
2013-05-03 - Berriatua (Bizkaia), plazan.
2013-06-15 - Igorre (Bizkaia), aparkalekuan.
2013-06-16 - Donostia (Gipuzkoa), Victoria Eugenia antzokian, 20:00etan.
2013-06-28 - Mungia (Bizkaia), Txozna gunean.
2013-08-23 - Laudio (Araba), Txozna gunean.