Proiektu paralelo eta lagun anitz ditu Insertak. Esaterako, ahotsetaz arduratzen den Ivan Barrio, hitz eta bertso ezinezkoen egilea, Vitessen aritzen da ere. Hardcorearen leloa, "zuk zeuk egin", bere azkenetaraino eramaten duen taldearen disko berrian, soinu ilun honek argia bilatzen du, tunelaren azkena. Armonia bilatzen du desarmoniaren erdian. Post-hardcorea helduentzat.

Nola definituko zenuke Mar de Fondo (autoekoizpena, 2013), Insertaren disko berria?
Ba lehenengo eta behin, soinu freskagarrien olatu baten lez, iluntasun ukitu batekin, batzuetan jantzia, baina leunago bestetan. Berezko ezkutuko energia du, gorputz hezurdura mugiarazten duena, ohartu gabe. Hitzen bidez, konplexua da azaltzea, baina hori da gutxi gora behera. Disko honetan gure ohiko konfiguraziotik haratago goaz, formazio aldaketak izan baititugu. Aurreko diskoetan ahots nagusia zena, orain gitarra jole nagusia da, konposizio berriei bide emateko, eta alderantziz, gitarra jole nagusia orain ahotsetaz arduratu da. Esan daiteke, modu  honetan,  gure hasierako garaietara itzuli garela. Oso pozik gaude emaitzarekin, dibertigarriagoa da jokatzea, eta aldaketek beti dakartzate gauza berriak.

Autoekoizpena da, zergatik aukeratu duzue bide hau?
Betidanik iruditu zaigu interesgarria horrela egitea. Lagun onak egiten dira eta prosezua naturala da, zeinetik asko ikas daitekeen. Posible da autoekoiztea, banatzea eta jende askorengana heltzea modu honetan. Gainera, gaur egun, teknologiari esker errezagoa da. Esan beharra dago, lana ematen duela, dudarik gabe, baina gure kasuan, guzti horrek merezi du.


Hardcorearen lelo nagusia, 'Do it yourself' mugimenduaren barruan koka daiteke. Lan hau, beti bezala, grabatu, diseinatu, banatu, mugitu duzue...
Kaleratu ditugun lan guztiak DIY filosof