entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Erreportajeak

bidali zure berria Bidali zure artikuluak
Juan Luis Etxeberria 2002-11-03

AMA gaurko istorioak, atzoko sentimenduak

Ama donostiarrak Ama donostiarrak
Pop suabea, sentikorra eta gertukoa egiten du Donostiako AMA taldeak. La Buena Vida eta Le Mans-eko musikariek osatua, lehen diskoa argitaratu berri dute Jabalina diskoetxearen eskutik.

Edozein izaten ahal den gau batean telebista pizten duzu. Kanaletatik goiti behera zabiltza, kate ikusienetatik sharea bost axola zaien horietara pasatuz. Hiriko telebistan film zahar bat aurkitzen duzu sortze urteari dagokionean, baina gaur egungoa mezuaz denaz bezainbatean. Irudia pikorrez lepo ageri da, soinuak ez du kate generalisten potentziarik. Baina pelikulari komedia garratz bat , kalitatea baino ez dario, kalitatea planoetan, interpretazioan, testuetan.
Antzeko zerbait gertatu zitzaigun AMA talde donostiarraren debuta entzun genuenean. Donostiako soinu poperoenaren Hall of Fame moduko bat dugu AMA (Javier Sanchezek La Buena Vida-n jotzen du, Borja bere anaiak ere bertan jo zuen iraganean, eta Gorka Otxoa Le Mans-eko bateria-jolea izan zen), zeina bihotz geldiezinetara ziztu bizian iritsiko den.
Badakizue, Family-ren diskoarekin negar egin eta diskoak eskuratzean hunkitzen diren horiek. Benetako estralurtarrak gaurko gizartean.
AMAri dagokiona orain eta El Joven Bryan taldeari lehen (azken talde honetatik dator AMA) beti izan da erraza eta korapilatsua aldi berean: gustura sentitzeko moduko abestiak egitea, alegia. El Joven Bryan-ekin era batera egiten zen, orain berriz, beste modu batez. Sanchez anaiek azaltzen digute. El Joven Bryan-en akustiko gutxiago zegoen, elektronikoagoa zen, eta horrek akaso zertxobait aspertu gintuen. Egia da AMAn kantuak popzaleagoak direla, baina hori logikoa da beste talde bat denez gero. Bestela, dena aldatzeak ez luke zentzurik izango.
Jakin badakite AMAren eta La buena Vidaren artean parekotasunak bilatzen saiatuko direla asko eta asko. Normala da horiek egotea, eta ongi etorriko zaie hurbileko etorkizunari begira. Argi dago gauzak egiteko modu bat daukagula eta ezaugarri komunak egongo direla. Hala ere, uste dut talde bien diskoek ez dutela inongo zerikusirik motibazioan, letretan, instrumentazioan, melodietan eta akaberan. Normala da hasieran talde bat bestearekin alderatzea, eta antzekotasunak aurkitzea ezberdintasunak baino lehenago, baina horrela izateari utziko dio gero.

Malenkonia hitzetan

Arreta jarriz diferentziak ikusten ahal ditugu. AMAren abestiak murmurioak dira, hunkiberatasun eta gertutasun liluragarria daukatenak. Etxean eginak dira, horixe dute abantaila eta baita gabezi iturri ere. Soinua sinplea eta xumea da, lo-fi den zerbait, abestiak ederrak direla azpimarratzeko balio duena, nahiz eta kantuak modu harrigarri batean entzuten ez diren. Egokiena etxean grabatzea zela pentsatu genuen, abestiak modu espontaneoago eta naturalago batean grabatzea. Eta ez naiz musikaz ari bakarrik, kontua da gauzak sobera ez planeatzea eta eskura duzunarekin egitea.
Baina, oroz gain, dorreak bezala arro, abestien letrak ditugu goian. Apartak direla badiogu motz gelditzen gara. Gure burkoak entzuten duena bezain hurbilak dira. Iraganari malenkoniaz begiratu eta antzinako akatsak berraurkitzen dituzte. Nerabezaro ondoko gauza liluragarria. Landuena da zalantzarik gabe. Denborak aurrera egin ahala, ikasteaz gain, zure buruan daukazuna gehiago zehaztera laguntzen zaituzten detaileak jasotzen dituzu ere. Argitaratu nahi genituen, inportanteak baitira: diskoak halako lerro bat segitzen du.
Zurrumurruak heldu zaizkigu, laster bira egingo dutela, taldea osorik aterako dela. Baina disko honetan erakutsi duten eskema ezaugarri hauek jarraikiko ditu: Taldearekiko dugun ikuspegia mantenduko dugu, hau da, lau elementurekin kantuak egingo ditugu eta gure kaxa grabatzen jarraituko dugu, etxean. Hori da egin nahi duguna, baina gauza batzuk hobetzen saiatuko gara.

2003, OTSAILA-MARTXOA
bidali zure artikulua Bidali zure artikulua
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.