Grina horri esker, azken urteotan Mikelek kalitate ezin hobeagoko abesti nahikotxo konposatu ditu eta Ameriketako musika tradizionalean murgildu da bere inspirazioa aurkitzeko eta lortzeko. Ez da kasu bakarra Bizkaian. Folk musika lantzen duten musikariak asko dira eta bat baino gehiago gogor aritzen da soinu horiek aztertzen, baina Mikelen kasuan, ezberdintasunak bereziki doinuen detaile txikietan aurki daitezke.
The Story of Bonnie & Clyde, abestiaren kasuan bereziki aurki daiteke espiritu iradokitzaile hori. Musika estilo batean sakon murgiltzen garenean aurki daitekeen espiritua, hain zuzen ere. Harmonikak gitarrari laguntzen dio ahotsarekin batera doinu luze eta interesgarria lortu ahal izateko. Konposaketa hauetan lortzen du Mikelek bere ildo artistikoena kaleratzea. Izan ere, gidoia alde batera geratzen denean eta inprobisazioak bolantea hartzen duenean, Mikelen kontzertuak une batez libre jarraitzen du eta abestiak forma ezberdinak hartzen ditu behin eta berriz aldatuz.

Bidali zure iruzkina

Izena
e-mailaez da argitaratuko
Iruzkina
Idatzi irudian ikusten duzuna

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.