Gau ahaztezina (beste behin ere) Plateruenan bizi ahal izan genuena. Oraingoan, ordea, berezitasuna jaialdi batean aurrean ginela zen, eta Ekon taldearen azken kontzertuan, joan den 2009an egindako itzuleraren ondoren. Antolatzaileak, honenbestez, beraiek izan ziren. Eta egia esan ez daukagu kexatzeko batere arrazoirik, guztira 6 talde izan baitziren, zein baino zein gogotsuagoak. Nik festibal formatu hau ez nuke ukitu ere egingo: talde nagusi bat eta kalitatez jositako beste mordoxka bat, soinu paregabeko areto bat eta ordutegiak azaltzeko orduan gardentasun osoa (euskal jaialdietan hain ohikoa dugun sekretismorik gabe).

Goiz hasi zen kontzertua (19ak aldera) eta zoritxarrez Anger ezin izan genuen ikusi. Sharon Stoner taldeaz gozatzeko parada izan genuen, ordea. Duela gutxi Lekeitioko emanaldiaz esan nuen bezala, iritsi ginenean