"Gabeko kalapitxisak", Piztiak taldearen proiektu berriaren lehen zatia da, izan ere, CD hau Josu Eizagirreren bideoklip eta laburmetraiarekin eta Josu Arabarriren pintura erakusketa eta making-offarekin osatuko baita. Baina hori aurrerago izanen da.
Esku artean duguna 14 kantutako bilduma da, zinez erakargarria, non Piztiak-en "modu" onenak agerian gelditzen diren: kantu borobilak, intentsitate handiko pasarteak, sentimendua sentimentalismoan erori gabe... Indie talde askori gustatuko litzaieke tipo hauek dituzten kantuak beraientzako... Gainera, Pettik hiru kantutan ahotsa sartu du. Mintzatuko gara Piztiak-i buruz aurrerago, hori seguru.