Musikarako jaio eta musika eginez hiltzen diren abeslariak asko dira. Gehienak itzalean, bizimodu apala dute eta hiltzen direnean ez dute telebista zein irratietako albistegiak irekitzen. Ez da behar ere. Laurel Aitken musikaz eta musikarako bizi izan zen. Ska musikaren sortzaile eta bultzatzaile nagusietakoa izan zen eta jamaikar musikaren sua, mundu osora zabaldu zuen. Jarraian datorrena musikari handi honi egin nahi diogun omenaldi xumea da. Mila esker Laurel.