Bost kantuz osaturiko diskoa argitaratu du gaur (otsailak 5) biko donostiarrak: Lainoland. Kantuok 2014ko urrian San Frantziskoko Faultline estudioetan grabatu zituzten, Kalifornian eta Mexikon barrena egindako birako egun libre batean. Zuzenean, analogikoan eta egun bakar batean erregistratu zituzten Yoshio Haraguchi kontroletan zelarik.
Diskoan estudioan bertan eraikitako hiru kantu aurki ditzakegu, Duten Haize eza eta Jimi Hendrixen Foxy Lady kantuen bertsioekin batera. Materiala Andoaingo Garate estudioetan nahastu eta masterizatu zuen Kaki Arkarazok. Produkzioa Koldo Soretek egin du.

• Artea Error!design-en lana da. Taldearen aurreko lana bezala Pozoi Records diskoetxeak argitaratu du.

• Ni