Dagoeneko abian da HR!Z edo Harrobia Zuzen Kontzertu Programa egitasmoa. Gure eszenan nabarmentzen diren euskal taldeak Gipuzkoako hiriburura ekarriko ditugu. Zuzeneko proposamena, berriz, inguruko talde hasiberri batekin osatuko dugu. Hau da, bi taldek osatuko dute emanaldi bakoitza: bidea egin duen batek, bidea egingo duen beste batekin batera.

Kontzertu programaren jatorria Sektor Rock irratsaioa da (Herri Irratia). "Irratitik zuzenekoetara jauzi egitea erabaki genuen, baita lortu ere. Dena dela, kontzertu bakarra egin ondoren, programaren hamar urtetik gorako ibilbidea eten egin zen eta kontzertu programaren ideia ere", azaldu dute ekimenaren arduradunek. Horrela sortu ziren Harrobia Lantzen Euskal Herriko musika alternatiboa babesteko ekimena eta Harrobia uhinzine edo irratsaioa (egun Info Zazpi bidez zein sarean entzun daitekeena). Gerora, iragan hurbileko ideia berreskuratu eta Harrobia Zuzen kontzertu programa sortu zuten.

Gunea. Donostiako Doka Kafe Antzokia da zuzenekoetarako hautatu duten lekua.

Maiztasuna. Zuzenekoak noizean behin edo gutxienez bi hilabetean behin izango dira. Taldeen zein aretoaren araberakoa ere izango da.


LEHEN KONTZERTUA
Willis drummond + yelow Page
Urriak 30, 21:00
Doka Kafe Antzokia
5 euro