2004ean argitaratu zen "Irri eta solas" (Autoprodukzioa) lan ezti eta intimistarekin ekin zion Joseba Irazoki gitarrista eta kantuegile beratarrak bakarkako bideari. Aitzinetik, Onddo bere taldearekin "Errepideak ez ditut maite"(Gaztelupeko Hotsak) lan aipagarria kaleratu zuen, eta horretaz gain, besteak beste, Maixa eta Ixiar, Anje Duhalde, Petti, eta Xabier Montoiarekin batera ere aritua da gitarrarekin dituen dohainak artezki erakusten. Gaur egun Do, On Benito eta Mengele Quartet bezalako proiektuetan ere murgilduta dabil.