entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2011-03-25

ROCKAREN TALDE HANDIAK BERRIKUSIKO DITUZTE IZAR & STAR KONTZERTU ZIKLOAREN BARNEAN

Ideiaren jatorria irratsaio honetan dago. Ideiaren jatorria irratsaio honetan dago.
Bilboko Radio popular/Herri Irratiaren 33 Revoluciones irratsaioaren ekimena da Izar & Star kontzertu zikloa. Datorren apirilaren 7tik aurrera eta ekaina bitarte, Arteria Campos Eliseos Antzokiko Cupula Aretoan egingo den lehen kontzertu sorta honetan, Capsula, Santiago Delgado eta bere Runaway maitaleak, Zarama, Sonic Tash, McEnroe, Bilillo y los Suyos, Jukebox Racket eta Young Tallent Show ariko dira.

Ekimen honen lehen zatian, sarreran aipatutako Bizkaiko taldeek rock klasikoaren disko edo artista esanguratsuen bertsio eta berrinterpretatzea ekarriko dute areto honetara, datorren irailetik aurrera, bigarren epealdiari ekingo diogu, Euskal Herriko beste herrialdeetako musika taldeak erakarriz, hauek agertu duten interesa ikusita, azaldu du Javier Corral Jerry, Herri Irratiko 33 Revoluciones irratsaioaren esatariak eta ideia honen sortzaileak.

Datorren apirilaren 7an, Capsula izango dugu Arteria Antzokiko Kupula aretoan, eta David Bowieren 1972ko Ziggy Stardust disko osoa joko dute. Ohore eta plazer handia da, guretzat hain esanguratsua den diskoaren bertsioa egitea, txikitatik ezagutu eta mamitu dugun diskoa, baita azaldu digu Coni Duchess, Capsula taldeko baxu joleak. Bere horretan, eta diskoan dagoen segidan jotzeko asmoa daukagu, guretzat eta batez ere gure hasierako diskoetan hainbeste eragina izan duen diskoa da eta. Capsularen kontzertuan gonbidatu berezia izango dute oholtza gainean, Gaizka Insuntza (Audience) izango baitute lagun tekletan.

Roberto Moso eta Zarama taldea maiatzaren 12an izango dira Cupula areto honetan, 80. hamarkadako RRV taldeen bertsioak egiten. Ez da gure asmoa bertsiook bere horretan jotzea ezta kantu ezagunenak interpretatzea, uste dugulako ideia berriekin gure ekarpen berezia egitean datzala, eta bizitasuna emango diola kantu sorta honi. Batzuk ez ezik, ezagutu ezinak izango dira, nahiz eta badakigun bat baino gehiago irainduta sentituko dela, azaldu du Zarama taldeko kideak. Esate baterako, Eskorbutoren Ratas de Vizcaya abestia, balada bat izango da esan digu barre txikiaz Roberto Mosok.

Kontzertuok, 40 minutuko bi zati izango dituzte: lehen zatian taldeak bere errepertorioa joko du eta bigarren zatian, eurek aukeratutako diskoen eta taldeen bertsioak egingo dituzte, azaldu digu Jerryk. Arteria antzokiko Cupula aretoak 400 pertsonentzako edukiera du eta kontzertuak ostegunero izango dira arratsaldeko 20:15etan. Sarreraren prezioa, aurre salmentan 10 eurokoa izango da eta egun berean sarreran erosiz gero, 12 eurokoa.


TALDEAK ETA KONTZERTUAK:

*** Apirilak 7: Capsula vs. David Bowie (Ziggy Stardust diska osoa joko dute).
*** Apirilak 14: Santi Delgado & Runaway Lovers vs. The Ramones
*** Maiatzak 5: Sonic Trash (Ya te digo ohiak) vs. Lou Reed and *** Velvet Underground
*** Maiatzak 12: Zarama vs. 80ko RRV
*** Maiatzak 19: Bilillo y Los Suyos vs. The Kinks
*** Maiatzak 26: McEnroe vs. Will Oldham (Bonnie Prince Billy) gazteleraz
*** Ekainak 9: Jukebox Racket vs. Elvis Presley eta 50eko R&R
*** Ekainak 16: Young Tallent Show (Audienceko kideak) vs. Bob Dylan eta Neil Young

Testua: Myriam Gartzia
bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.