Ez dute formatu bakarrera lotu nahi...
Lotuta Egon Arren diskoa 2004. urtean kaleratu eta urte honetan zehar
berrogei kontzertu inguru eskeini ostean, Kokein gauza ezberdinetan aritu da
lanean esperientzi berriak bilatu nahian. Oraingo honetan emanaldi
akustikoak prestatu ditu negu partean zenbait zuzeneko eskeintzeko
asmoarekin, euren orain arteko abestiei forma eta itxura berria emanez.
Melodietan, konposizioetan eta instrumentazioan izango dira aldaketak inoiz
baino biluziago agertuz taula gainean. Gainera, boskoteak Maite
Arroitajauregiren txeloa izango du lagun zenbait abestitan. Zaloa, Iker,
Jatsu, Txitxes eta Letek gogoz hartu dute erronka berri hau aspaldidanik
bait zebiltzan horrelako zerbait prestatu nahian. Abenduan hiru data
aurkeztuko dizkigute kontzertu akustikoei hasiera emateko:
Abenduaren 16an, Aretxabaletako Ezkutu tabernan
Abenduaren 22an, Durangoko Plateruena Antzokian
Abenduaren 30ean, Irungo tunk! Aretoan
Urte berriarekin batera beste kontzertu batzuk eskeintzeko asmoa ere badute,
baina data hoien berri zehatzagoa www.kokein.com webgunean izango da
denbora pasa ahala.