Saurius (Bonberenea Ekintzak, 2013) diskoarekin burututako 40 kontzertutik gorako bira luzearen ostean, Adorez izeneko EPa aurkeztuko du aurki Tolosako Humus taldeak. Lau abestik osatzen dute lan berria. 2016ko otsailean grabatu zuten Karlos Osinagaren gidaritzapean.

Humus sustraietara bueltatu ez ezik, hasierako formatura itzuli da, hau da, power trio bezala ezaguna den hirukotera: Natalia (ahotsa eta baxua), Mantxi (gitarra) eta Aritz (bateria). Bonberenea Ekintzak-en esanetan, "proposamen gordina dakarte oraingoan, taldekideek zuzenekoetan transmititzen dakiten indarra eta intentsitatea estudioko lanean islatuz. Eurek dioten bezala, eszenatokia da bere tokia eta Adorez bertara eramateko gogo handiekin datoz".


KANTU ZERRENDA
1. Hemen gelditzen da
2. Gorde
3. Adorez
4. Dutenari begira

Adorez EP-CD formatuan ikusiko du argia Bonberenea Ekintzak zigiluarekin.
Diseinua Tzesne artista grafikoak burutu du.