Abuztuaren 11an (larunbata), Aste Nagusi bezperan, kontzertu indartsua prestatu dute 5 urteko ibilbidea behar bezala ospatzeko. Donostiako Trinitate Plazan izango da eta bertako oholtzan Berri Txarrak, Etsaiak eta Instep (Musika Lehiaketaren irabazlea) arituko dira. Baliteke beste ezustekoren bat egotea. Nork daki. Iluntzeko 8etatik aurrera festa ederra bizi ahal izango da Trinitate Plazan. Iazko kontzertura 2000tik gora pertsona hurbildu ziren. Sarrerak dagoeneko salgai daude Donostia eta inguruetako leku ezberdinetan. 11 euro aurrez eta 13 euro egunean bertan.
Abuztuaren 13an (astelehena), urtero Donostiako Kaia koloreztatzen duen benetako jaia ospatuko dute: Abordaia. Goizean baltsak muntatzen hasi, ondoren bazkari piratarekin bapo geratu eta kaia abordatzera. Arratsaldeko 17:00etatik aurrera jende andana bilduko da kaian lema esanguratsu batekin:Jai Herrikoien alde Abordatzera! Egin beharreko ibilbidea kaitik Kontxako hondartzara bitartekoa izango da. Ondoren, Txortimes elektro-txarangak lagunduta kalejira ederrean abiatuko dira Alde Zaharrera. Galtzea merezi ez duen eguna, ezbairik gabe.


EGITARAUA:

Abuztuak 11, larunbata
+ Piraten Kontzertua - 5. urteurrena
20:00etatik aurrera: Berri Txarrak + Etsaiak + Instep.


Abuztuak 13, astelehena
+ Jai Herrikoein Alde ABORDAIARA!
- 11:00: Baltsen muntaketa.
- 13:30: Bazkari Pirata!
- 17:00: Abordaia!
- 19:00: Kalejira Kontxatik Alde Zaharrera Txortimes elektrotxarangak lagunduta.

Abuztuak 14, asteartea
+ Altxorraren Bila, 17:00etatik aurrera.

Abuztuak 16, osteguna
+ Piraten Jolasak, 16:30etatik aurrera.
- 11:30-14:30: Umeentzako puzgarriak...

Abuztuak 19, igandea
+ Irrikitaldia, 17:00etatik aurrera.
Edozer dugu posible Donostia Piratan.