Gaur, ekainak 23, "Edozer dugu posible" egunaren egitaraua aurkeztu dute goizeko 11:30etan Zurriolako hondartzan. Bertan izan dira Donostiako Piraten mugimenduko bozeramaleak (Batiste Ezeiza eta Mireia Mochales) eta kofradia bakoitzeko bi kide.
Egitaraua ahalik eta publiko zabalenarentzat prestatzen saiatu dira, eta egun osoan izango dira ekimenak Zurriola hondartzaren inguruetan. Goizean haurrentzat oka jolas erraldoia, gazteentzat mural margoketa, bertso hopa, euskaraz ikasten ari direnentzat mintzapraktika pirata, euskal dantza ikastaroa, eguerdian mokadu eta edari bixigarriak bertako kontsumo taldeekin elkarlanean