Pizzeriako jangelatik sotora eramango gaituzten eskailerak hartzen ditugu. Segituan ikusiko dugu eszenatokia behean. Foku batek argi xumez argiztatzen du. Talde bat ari da jotzen jada, bere izena neonezko argiz idatzitako karteltxoan ipinita dago. Edozein talde izan daiteke, Euskal Herriko zein nazioarteko banda andana pasa baita hemendik. Eta pasako da.
30. urteurrena ospatzeari ekin diote Xurrut pizzeria-aretoan. Hasteko, kontzertuz beteriko maiatza oparoa prestatu dute gure tinpanoak astintzeko. Besteak beste, Seiurte, Rural Zombies, Balerdi Balerdi, Educados, Sonic Trash, Nuevo Catecismo Cat