2004.ean sortzen da Korrontzi. Bilbo inguruko bost mutilez osatua eta folk doinuak jorratzen ditu taldeak. Trikitixaren inguruan mugitzen diren konposizio propioak eskaintzen ditu taldeak zuzenean. Honela, azken urteotan Euskal Herriko hainbat tokitan ibili dira, tartean Getxoko 2005eko folk Jaialdiaren azken kontzertua Olodum brasildar taldearekin batera, 5.000 pertsonen aurrean.
Hala ere, Treadition 2.1 diskoa mugarri izan da taldearentzat. 2013an argitaratu bezain pronto, sekulako bira egin dute Europa osoan zehar.