Xumea bada ere, tradizio handiko hitzordua da Zizurkil herriko blues gaua. Aurten XIV. edizioa egingo da, hortaz egin kontu. Aurreko edizioetan bezala, herriko hainbat tabernetan egingo dira kontzertuak eta azken kontzertuaren ondoren eta gorputzak iraun arte blues, soul eta rockanroll musika jarriko duen DJ saioa izango da. Sarrera doan da.

• 22:30  Pasus taberna: Txus blues & Jose Bluesfingers  (Bartzelona)(Blues, country, umorea)

Bartzelonako musikariek, hainbat taldetan urte batzuk eman ostean bikotea osatzeko erabakia hartu zuten bluesa ikus-entzule orori hurbiltzeko xedearekin. Horrela, beste hizkuntzen artean gazteleraz abesten dute, instrumentazio xumearekin eta letra arinekin, Bluesa ez baita soilik negarra.
Eurek sortutako kantuek, Bluesaren gai klasikoen egokitzapenek eta, klasikoak ez izan arren, bluesaren moldera betiere umore onez interpretatutako beste batzuek, osatzen dute bikotearen errepertorioa.
Oinarrizko azpiegiturarekin (gitarra, aho-soinua eta ahotsa), bluesetik abiatuta era guztietako eraginek blaitutako errepertorioa erakusten digute.

• 11:45  Atxulondo taberna : JULIAN MAESO BLUES TRIO (Toledo/ Madril)
  (Blues, soul)

Hammond organoaren maisua da Julian Maeso. One Way Ticket To Saturn deitzen da bere azken lana. Ibilbide luzeko musikaria da Maeso. Musika beltza  barneratuta izanik, handik abiatuta 70eko hamarkadako blues musikara hurbiltzen da. Kantu berrietan blues-rock, country, funk eta jazz doinuak entzun ditzakegu. Traffic, Leon Rusell, The Faces, Derek & the Dominoes eta Delaney & Bonnie, Humble Pie, Black Crowes edota Tedeschi & Trucks moduko taldeen musika maite duenak ikusi beharreko kontzertua.

• 01:00 Egarri taberna: DIXIE TOWN (Galizia)
  (Blues & Rock)

 70. hamarkadako soinua ateratzen duen taldea da Dixie Town, hard blues eta musika psikodelikoa egiten du. Vigon (Galizia) sortu zen 2007an, eta  zuzeneko gordina egiten dute, handia; edo