Euskal Herriko luze zabalean antolatzen diren kontzertuak eta zuzeneko emanaldien berri emateko xedea hartuta, MusikaZuzenean izeneko egitasmo berria jaio da. Informazio zabala eskainiko du musikazale ororentzako, emanaldien berri zehatza eta osatua eskainiz. Horretarako, ekimen bakoitzari buruzko informazio osatua, musika taldeen biografiak, argazkiak, audioak eta bideo galeriez hornituko dute webgunea.

Alta, MusikaZuzenean ez da emanaldien agenda soil bat. Informazio eguneratua eta zehatza emateaz gain, gertatu denaren isla izan nahi du ere, igarotako emanaldien hartzaile eta dokumentazio gune. Horretarako, iragan diren emanaldien argazki eta bideo galeriak bilduko ditu, bai eta idatziriko kronika eta kontzertu biren zuzeneko aipuak.