Liher Larrañaga, Lander Amorrortu, Pablo Garcia eta Paul Urigoitiak Zeker taldea osatzen dute. Punk-rock doinuak dakartzate, eta gitarra melodien protagonismoa. Pandemia kulturgile askorentzat traba handia izan bada ere, laukoteak bere aurreneko diskoa, homonimoa, ontzeko probestu ditu bi urte hauek. 

Estatu Batuetako punk rock erreferentzietatik, Oi! talde zaharretatik eta Euskal Herriko Su Ta Gar, Lor edota Iheskide taldeen eraginetatik edan dutela diote, baita Ruper Ordorikarengandik ere. 

Underground estiloa eta filosofia gustuko dutenez, diskoa autoekoitzi egin dute. Grabaketa, aldiz, Aitor Ariñorekin batera egiten dute, Berrizko Lorentzo Records estudioan.